Google ADS

Zhytësi ia heq peshkaqenit thikën 30 centimetra nga koka (VIDEO)

12:43 | 9 Mars 2017
Arbresh.info

Peshkaqenët njihen si ‘përbindëshat e detit’, perceptim ky i fituar nga filmat dhe sulmet e rralla të peshkaqenëve ndaj njeriut.

Por, në një video të publikuar së fundmi, shihet qartë se viktima e vërtetë kësaj radhe ishte peshkaqeni e jo njeriu.

Trajneri i notit Brett Johnson dhe studentët e tij po zhyteshin në ishujt Cayman, kur papritmas panë një peshkaqen me një thikë të madhe të ngulur në kokën e tij.

“Shihej qartë se diçka nuk ishte në rregull dhe u afrova për ta parë më mirë”, tha Johnson për HUffington Post.

Kur ai u afrua për ta parë më qartë, peshkaqeni u kthye prapa dhe qëndroi fare pranë tij, si të ishte duke kërkuar ndihmë. Johnson ia hoqi thikën e gjatë 30 centimetra nga koka dhe ai vazhdoi të notonte me një vrimë në trup.

Ishujt Cayman e kanë ndaluar gjuetinë e peshkaqenëve. Të gjithë ata që shkelin këtë ligj, dënohen me 500 mijë dollarë apo 4 vite burg.

Shpërndaje në rrjete sociale

Lajmet më të lexuara

Të ngjashme

Foto lajm